Konseya Koordînasyonê Ewleyî û Weşîya Karî (IESG) ya Şaredarîya Amedî ya Şaristanê Girdî kombîyayîşê xo yo peyên ê 2024î viraşt.

Konseya ke 2016 de sey Konseya IESG’yî awan bîya û 2020 de nameyê Konseya Koordînasyonê IESG’yî girewto, kombîyayîşê xo yo peyên ê serrneweyî viraşt. Kombîyayîş awanîya îlawe ya Şaredarîya Şaristanê Girdî de virazîya û Sekreterê Pêroyî yê Şaredarîya Amedî ya Şaristanê Girdî Emrullah Gorduk, Hetkarê Sekreterê Pêroyî Reşat Bakan, serekê daîreyan, mudirê şubeyan û temsilkarê Personel A.Ş’yî beşdar bîyî.

Kombîyayîşî de Talîmatnameya Zereyî ya Ewleyî û Weşîya Karî ya Şaredarîya Amedî ya Şaristanê Girdî ser o agahdarî ame dayene. Sewbîna cayê karî ra heta kontrolkerdişê malzeme û hacetan, qaydeyanê IESG’yî ra heta berpirsîyarîya şîrketanê ardimkaran zaf babetî ameyî nirxnayene.