Mudirîya Pêroyî ya DÎSKÎ 8 aşman de 79 hezar û 677 metre xeta awa şimitişî û 15 hezar û 935 metre xeta awa lêmine viraşte.

Mudirîya Pêroyî ya DÎSKÎ seba hewcedarîyanê bingeyînan ê şarî bi fehmî û kalîteyê berzî xebatanê xo dewam kena. Seba tehlukeyê vurîyayîşê hewayî û kêmîbîyayîşê çimeyê awe projeyê arêkerdişê awa varanî, bi ametdanê aqilmendan û sîstemê dîjîtalî yê vindarnayîşê vîndîbîyayîşê awe ameyo viraştiş. DÎSKÎ nê wextî de merkezê bajarî û dewan de xetê neweyî viraştî, xebata modernîzasyonî kerde û projeyo muhîm ê Merkezê Enerjîyê Rojî (GES) îdareyî ra qebûl girewt.