Ekîbê Şaredarîya Amedî ya Şaristanê Girdî, Şankûş û Hêni de rayîrê 105 kîlometreyî ke varayîşê vewre ra girewtî bî, akerdi.

Ekîbê Serekîya Daîreya Pawitişê Rayîr û Koordînasyonê Binawanî, cayê berzan ê bajarî de ke vewre varayîşê xo dewam keno, xebatanê xo dewam kenê. Ekîban Hêni û Şankûş de seba akerdişê rayîranê taxanê dewan ke vewre ra girewtî bî, şewe û roje xebate kerde.

Ekîban xebata xo de Şankûş de rayîrê grube yê Malkaya, Çataldut, Yayginkonak û Albayrakî yo 40 kîlometreyî; Hêni de zî rayîrê taxanê Çukur û Ekşinî yo 15 kîlometre, rayîrê grube yê Kaledibî yo 30 kîlometre, rayîrê taxanê Akçayir, Topçular û Yukarı Turalî yo 20 kîlometre akerdî.

Ekîbê Şaredarîya Amedî ya Şaristanê Girdî seba ke rayîrê taxanê dewan akerde bimanê û şar bi hawayêko emnîyetin şêro û bêro, xebatanê pakkerdişê vewre dewam kenê.