Şaredarîya Amedî ya Şaristanê Girdî û Komela Îdarekerdişê Afetan û Piştîdayîşî (DMS) û Platformê Kede û Demokrasî yê Amedî, bi munasebetê serserra erdlerzanê 6ê sibate panelê "Bajarê ke vera erdlerzî pêt ê" organîze kerd.
Panelî de Hemşaredar Dogan Hatun û Zanyarê Erdî Prof. Dr. Nacî Gorurî qisey kerd.
Hemşaredar Hatunî qeyd kerd ke ê do Merkezê Koordînasyonê Afetî ronê û dest bi xebatanê Planê Master yê Afetî kerdo. Hatunî dîyar kerd ke ê do aşmêk ra dima TMMOB'yî reyde xerîtaya Rîskê Bajarî virazê û seba şarê ke erdlerzî ra mexdur bîyo xebatê înan est ê.
Prof. Gorurî dîyar kerd ke Amed de 100 kîlometreyê xo yê vakurî de erdlerz beno û ganî seba ke bajar zerar nêgîro, vera erdlerzî bêro xurtkerdene. Ey va ke Tirkîya de eynî girdîya erdlerzî de 50-60 hezar kesî merdê la Taywan de 3 kesî merdê çunke ê bajarê xo vera erdlerzî xurt kerdî.
