Hemşaredarê Şaredarîya Amedî ya Şaristanê Girdî Serra Bucak û Dogan Hatun, beşdarê beyanatî bîyî ke derheqê eştişê qeyumî yê Şaredarîya Wanî ya Şaristanê Girdî de ame dayene.

Cadeyê Cumhurîyetî ser o beyanatêkê çapemenîye derheqê eştişê qeyyumî yê Şaredarîya Wanî ya Şaristanê Girdî de ame dayene. Beyanatî de Hemşaredarê Şaredarîya Amedî ya Şaristanê Girdî Serra Bucak û Dogan Hatun reyde, Hemserekê Pêroyî yê DEM Partî Tulay Hatîmogullarî û Tuncer Bakirhan, Hemsereka Pêroyî ya Partîya Herêmanê Demokratîkan (DBP) Çîgdem Kiliçgun Uçar, parlamenterî û temsilkarê partîyanê sîyasîyan beşdar bîyî.

Qiseykerdişî de ke beyanat de ameyî kerdene, ame dîyarkerdene ke ganî îradeyê şarî rê hurmet bêro dayene û ame vatene ke bêedaletî nêyena qebulkerdene.