Hemşaredara Şaredarîya Amedî ya Şaristanê Girdî Serra Bucak, Bazarê Semtî yê Taxa Mewlana Xalidî ya Qezaya Baglarî zîyaret kerd û goşdarîya esnaf û şarî kerd.

Têhetameyîşê şarî ke hetê Serekîya Daîreya Çapemenî, Weşan û Têkilîyanê Şarî ra yenê organîzekerdene, dewam kenê. Na çarçewa de Hemşaredara Şaredarîya Şaristanê Girdî Serra Bucak, Hemşaredaranê Şaredarîya Baglarî Leyla Ayaz û Siraç Çelîkî reyde Bazarê Semtî yê Taxa Mewlana Xalidî ya Qezaya Baglarî de esnaf û welatîyan reyde ameye têhet.

Hemşaredare Bucak ke hetê welatîyan ra eleqayêko pîl dî, goşdarîya esnafanê Bazarê Semtî û şarî kerd. Hemşaredare Bucak goşdarîya waştiş û pêşnîyazanê welatîyan ê derheqê resî, pakîya derûdorî, Bazarê Semtî û binawanî de kerd û beşê têkildarî wezîfedar kerdî ke kontrolî hîna zêde bêrê kerdene.

Program de Sereka Daîreya Çapemenî, Weşan û Têkilîyanê Şarî Berîvan Guneş, Serekê Daîreya Zabita Weysî Ruzgar û endamê meclîsî Hemşaredare Bucak reyde bîyî.