Hemşaredaranê Şaredarîya Amedî ya Şaristanê Girdî Serra Bucak û Dogan Hatunî Serekîya Daîreya Îtfaîye zîyaret kerd û derheqê xebatan de melumatî girewtî.
Serekîya Daîreya Îtfaîye, seba ke şewatanê muhtemelan ke do bajar de bibê, hîna lez û bitesîr mudaxele bikero, fîloya xo hîna zêde kena. Na çarçewa de Hemşaredaranê Şaredarîya Şaristanê Girdî Serra Bucak û Dogan Hatunî Grûba Îtfaîye ya Kayapinarî zîyaret kerd û derheqê teknîk û gureyê wasitayan de melumat girewtî ke do newe bêrê girewtiş.
Zîyaretî de Hemşaredarî personelanê îtfaîye reyde zî ameyî têhet, seba xebatanê înan ê fedekarane sipas kerd û serkewtiş waşt.
Zîyaretî de Hetkarê Sekreterê Pêroyî Ozgur Yildiz, Reşat Bakan, Azîz Ozdogan, Serekê Daîreya Îtfaîye Metîn Alar û endamê meclîsî Hemşaredaran reyde bîyî.
