Meclîsê Ekonomî yê Meclîsê Bajarî yê Amedî kombîyayîşê xo yo verên kerd.

Meclîsê Bajarî ke badê destpêkerdişê wezîfeyê Serra Bucak û Dogan Hatunî yê Hemşaredaranê Şaredarîya Amedî ya Şaristanê Girdî reyna dest bi fealîyetab kerdo, Meclîsê Ekonomî awan kerd.

Meclîsî, Kombîyayîşê xo yê 1. û Asayî Merkezê Kultur û Kongre yê Çand Amedî de kerd. Kombîyayîşî de Cagira Hemşaredarîya ya Şaredarîya Şaristanê Girdî Emîne Akin, Sekretera Pêroyî ya Meclîsê Bajarî Selvî Tunç, Serekê Odaya Ticaret û Sanayî ya Amedî (DTSO) Mehmet Kaya û temsîlkarê rêxistinanê sivîlan beşdar bîyî.

Averberdişê ekonomîya bajarî

Badê qiseyê akerdişî, endamê Heyetê Dîwanî ameyî weçînayene. Serekê DTSO’yî Mehmet Kayayî kombîyayîşî de qisey kerd û qîmet da têhetameyîşê komelê sivîlî yê Meclîsê Bajarî.

Kayayî va persa "Ma senî eşkenê ekonomîya bajarî raver berê?" muhîm a û îlawe kerd ke tena cayê ke do temsîlkaranê rêxistinanê sivîlan û rayberanê herêmkî bîyaro têhet, Meclîsê Bajarî yo.