Şaredarîya Amedî ya Şaristanê Girdî Qezaya Farqînî de taxanê Yuva û Akdereyî de rayîrê grûbe ser o xebata asfaltî daye destpêkerdene.

Serekîya Daîreya Rayîrpawitiş û Koordînasyonê Binawanî xebatanê xo yê viraştişê taxanê dewan dewam kena. Ekîban Qezaya Farqîn de rayîrê grûbe yê Yuva û Akdereyî yê 12 km ser o ke 10 dewan rê xizmet dano, xebatî dayî destpêkerdene.

Rayîro ke nêzdîya 2 hezar kesan rê xizmetê resî dano, eynî wext de Laya Batmanî ra yeno girêdayene. Ekîbî hedef kenê ke xebatanê xo vernîya Remazanî biqedênê û dekerê xizmetê şarî.