Şaredarîya Amedî ya Şaristanê Girdî Roşanê Remazanî ke nêzdî yo seba ci dikanê ke şîranî û madeyê şîranîyan roşenê kontrol kerdî.

Serekîya Daîreya Karê Weşîye verê Roşanê Remazanî seba emnîyetê weşîya şarî kontrolanê xo dewam kena. Na çarçewa de îmalatxaneyê şîranîyan, standê şîranîyan û madeyê şîranîyan ê marketanê girdan û dikanê huşkfêkî ameyî kontrolkerdene. Kontrolê Koordînasyonê Xidayan de, tarixê qedîyayîşî yê weran, xususîyetê mamul û nêmmamulan, depo û depoyê serdinî ameyî kontrolkerdene.

Serekê Daîreya Karê Weşîye Vahap Saçaklî derheqê kontrolan de melumat da û va ke ê sey Serekîya Daîreya Karê Weşîye, seba ke şar aşma Remazanî de xo biresno xidayanê biweşîyan kontrolê weran dewam kenê. Saçaklî qeyd kerd ke 110 îmalatxaneyî ameyî kontrolkerdene û 271 kg goştê kerge, 94 kg malzemeyê viraştişê pasta, 452 lître şît û 43 kg goşto sûr îmha bîyî. Saçaklî îlawe kerd ke xebatê pakîye yê gorîstananê merkezî zî dewam kenê.