Hemşaredarê Şaredarîya Amedî ya Şaristanê Girdî Serra Bucak û Dogan Hatun, beşdarê programê pîrozkerdişê Roşanî bîyî û Roşanê Remezanî yê şarî pîroz kerd.

Hemşaredarî Bucak û Hatun, programê pîrozkerdişê Roşanî ke Partîya Seypê û Demokrasî ya Şaran (DEM Partî) Meydanê Berê Koyî de organîze kerdo, tede şarî reyde ameyî têhet.

Programî de qiseykerdişê xo de Hemşaredare Bucak bale ante muhîmîya prosesî ke Tirkîya de dewam keno û va: "Proseso ke vernîya ma de yo, hem partîya ma rê hem şaredarîyanê ma rê zaf muhîm beno. Ma do Amed ra heta Îstanbul, Enqere, Wan, Mêrdîn û heme Tirkîya pêtêr bikerê. 27ê Sibate ra dima, seba awankerdişê komelêko demokratîk, seypê û azad, ma heme pîya aştîya xo awan kenê."

Bucak qiseykerdişê xo de îlawe kerd: "Wa pîyabîyayîşê ma daîmî bo. Wa her rojê ma sey Roşanî bê. Wa yewîya kurdan daîmî bo. Ma tîya de yê seba ke bi rayberîya herêmkîya pête aştî û fehmêko demokratîk awan bikerê."

Programî de Hemserekê Bajarî yê DEM Partî Gulşen Ozer û Abbas Şahîn, parlamenterê DEM Partî, Hemserekê Bajarî yê DBP'yî, hemşaredarê qezayan, endamê meclîsî û temsîlkarê rêxistinanê sivîlan zî beşdar bîyî.