Şaredarîya Şaristanê Girdî ya Dîyarbekirî, seba ke cayê roniştişî yê neweyî yê qezaya Kayapinarî de resêko rehet û konforin temîn bibo, dest bi viraştişê rayîrêko newe kerd ke planê ey 3 hezar 200 metre yo.

Serekîya Daîreya Koordinasyonê Ciewnîyayîşê Rayîr û Binesazî, seba ke şar cayê roniştişî yê neweyî de problemê resî nêanco, xebatanê xo dewam kena. Çarçewaya xebatan de dest bi viraştişê rayîrî bîyo ke dewamê Cadeya Jîyanî û Cadeya Nazim Hîkmetî yo ke qezaya Kayapinarî de yo. Hedef o yo ke rayîro ke 30 metre hîrayîya xo û 3 hezar 200 metre dergîya xo est a, aşmanê ameyoxan de temam bibo û bêro pêşkêşkerdene.

'Ma dest bi xebatanê xo kerd'

Mudirê Şaxê Viraştişê Rayîrî Bariş Çetînkaya ke derheqê xebatan de malumat da, va ke aşma adare ra dest bi xebatanê xo kerdo û wina dewam kerd: "Herêma ke ma tede yê, sinorê qezaya Kayapinarî de, vera Nêweşxaneyê Şaristanî yo ke newe virazîyayo. Tîya qadêk a ke TOKÎ’yî newe organîze kerda. Coka rayîrê ma yê îmarî akerde nîyê. Seba ke Mudirîyetê Pêroyî yê DÎSKÎ’yî bieşko xeta kanalizasyonî ke qada mewcud de do bêro viraştene, temam bikero, ganî rayîrê herême bêrê akerdene. Ma zî na noqta de dest bi xebatanê xo kerd."

'Ma plan kenê ke heta roniştiş dest pênêkerdo rayîrî temam bikerê'

Çetînkayayî va herême de zaf cayê roniştişî est ê, coka rayîrêko newe yo ke 30 metre herayîya xo est a, do bêro viraştene û wina qisey kerd: "Herêma ke ma tede yê. Res seba qadanê awanîyan nika nêeşkeno bêro temînkerdene. Ma zî plan kenê ke heta roniştiş dest pênêkerdo rayîrî temam bikerê. Cadeyê Jîyanî 30 metre herayîya xo û 750 metre dergîya xo est a. Seba ke no cade hîna zêde dewam bikero, ma xebatanê xurtkerdişê rayîrî zî bi 80 santîmetre pirrkerdiş û 20 santîmetre stabîlîze kenê. Badê ke ma anê kota terasmanî, ma do na herême teslîmê DÎSKÎ bikerê."

Çetînkayayî va Cadeyê Nazim Hîkmetî de zî xebatê pirrkerdişî dewam kenê û va ke netîceyê xebatan de Cadeyê Nazim Hîkmetî, Cadeyê Jîyanî û Cadeyê Ebdulqadir Topkaçî ke pêro pîya do 3 hezar 200 metre dergîya xo bibo, bi vîyartişê xo dormeyê Komutanîya Wîlayetî ya Cendirmeyan ra do res temîn bibo.