Hemşaredarê Şaredarîya Amedî ya Şaristanê Girdî Serra Bucak û Dogan Hatun, şaro ke seba programê "Vîyarte Ameyox o" ameyî bajêr û mîyan de akademîsyen, nuştox û hunermendî zî est bî, kerdî meyman.

"Vîyarte Ameyox o" programo ke Şaredarîya Şaristanê Girdî ci rê rayberîye kerde, seba pawitişê vîro kulturî organîze bîyo, seba ney akademîsyen, nuştox û hunermendî ke mîyan de Michael Lowy, Eleni Varikas, Gretchen Dutschke-Klotz û Goran Therborn zî est bî, Hemşaredarê Şaredarîya Şaristanê Girdî Serra Bucak û Dogan Hatunî zîyaret kerdî.

Hemşaredaran qebulkerdişî ra dima meymanan reyde sohbet kerd.

Sohbetî de muhîmîya pawitişê vîro kulturî ser o ame vindertiş, derheqê pawitişê mîraso kulturî yê Dîyarbekirî  ser o fikrî ameyî qiseykerdene.

Hemşaredaran, seba zîyaretî nuştox û hunermendan rê sipas kerd.

Zîyaretî de hemverfeka Meclîsî Emine Akin û Abdulselam Înceoren, Hetkarê Sekreterê Pêroyî Ozgur Yildiz û endamê meclîsî Hemşaredaran reyde bîyî.