Şaredarîya Amedî ya Şaristanê Girdî xebatanê cîyakerdişê runê veşateyî de keyeyan ra 3 aşmanê peyênan de 32 ton runo veşate arê da.

Hetê Koordinasyonê Serekîya Daîreya Vurîyayîşê Îklîmî û Sifir Eşteyî reyde Serekîya Daîreya Pawîtişê Cugehî û Kontrolî ra xebatê cîyakerdişê eşteyan dewam kenê. Eşteyan reyde runê veşateyî ke zirar dano cugeh û weşîya merdiman çarçewaya protokolî de ke şaredarî bi fîrmaya lisansine viraşto, binîzam yeno arêdayene.

5 lître runê veşateyî rê 1 lître runo pak dîyarî

Çarçewaya protokolî de ke şaredarî seba runo veşate keyeyan ra arê dîyo, îmza kerdo, şaro ke 5 lître runo veşate arê dano, çarçewaya projeyî de 1 lître runo nebatî yo pak dîyarî beno.

Runo veşate yo ke arê yeno dayene

Na xebate, runê zeytûnî, verrojik, lazut, peme, soya û kanola ra yeno viraştene û badê ke yeno şuxulnayene, reyna nêşeno bêro şuxulnayene, arêdayîşê nê runanê veşateyan ra yena meydan