Sereka Şûbeyê Amedî ya Odaya Mîmaranê Zereyî ya Yewîneya Odayanê Muhendis û Mîmaranê Tirkîya Helin Aytin û endamê komîteya îdareyî, Hemşaredaranê ma Serra Bucak û Doğan Hatun zîyaret kerd.

Sohbeto ke ame kerdene, meslegê mîmaranê zereyî, îstîhdam, mecbûrîyetê projeyanê mîmarîya zereyî, şaredarîyan reyde hemkarîyê ke eşkenê bêrê kerdene ser o fikrî ameyî parekerdene.

Zîyaretî de Hemşaredaranê ma, Verfekê Meclîsî Demet Ceylan û Ayhan Karatekin hemşaredaran reyde bîyî.