Serekîya Daîreya Pawitiş û Kontrolê Cugehî 17 şaredarîyanê qezayan reyde bi temaya berdarîya enerjî û têkoşînê vurîyayîşê îklîmî "Kombîyayîşê Koordinasyonê Enerjî" organîze kerd.

Kombîyayîşî de ke Merkezê Kultur û Kongre yê Çand Amedî de ame kerdene, derheqê berpirsîyarîya çarçewaya Qanûnê Enerjî, metodê arfîyayîşê enerjî awanîyanê şaredarîyan de, kêmîkerdişê tesîrê vurîyayîşê îklîmî û çimeyê enerjîyê newebîyayeyî de melumatî ame dayene.

Kombîyayîşî de temsîlkarê GABB'yî, berpirsîyarê enerjî yê DÎSKÎ û ekîpê teknîkî yê şaredarîyanê qezayan beşdarê ci bîyî.