Hemşaredarê ma Dogan Hatun beşdarê akerdişê ronayîşê Meclîsê Kirmanckî (Zazakî) bî ke hetê Komela Cigêrayîşê Ziwan û Kulturê Mezopotamya (MED-DER) ra ame îlankerdene.

Hemşaredarê ma ke kombîyayîşê Salona Konferansê Tahir Elçî ya Baroyê Amedî de qisey kerd, bale ante tehlukeyê vîndbîyayîşê Zazakî û va: "Ganî ma ziwanê xo her ware de biciwîyê, ganî dayîkî gedeyanê xo reyde ziwanê xo de qisey bikerê. No têkoşîn qezencê şarê ma û yê pêro şaran o."

Hatunî dîyar kerd ke ma seba na mesela pêroyê berpirsîyarîyanê ke kewenê ma ser, amade yê ke bîyarê ca.

Beyanatî de Parlementera DEM Partî yê Mardînî Saliha Aydeniz, hemşaredarê şaredarîyanê qezayan, temsîlkarê rêxistinanê komelê sivîlî û yê partîyanê sîyasîyan beşdar bîyî.