Şaredarîya Amedî ya Şaristanê Girdî bi munasebetê 15ê Gulane Roşanê Ziwanê Kurdkî, do zaf falîyetan organîze bikero, sey rojanê kitaban, panel, tîyatro, nîşandayîşê fîlman, xebatê atolyeyan, goşdarîya dengbêj û şîîran, panel, terraqe.

Mudirîya Şûbeyê Pawîtişê Ziwanî yê Serekîya Daîreya Karê Kulturî û Komelkî, seba 15ê Gulane Roşanê Ziwanê Kurdkî amadekarîyê xo qedênayî. Programo ke mîyanê tarîxanê 12-19ê Gulane de merkez û qezayan de falîyetanê cîya-cîyayan reyde do bêro pîrozkerdiş, tedeyîyêko dewlemend o.

Falîyetî, ewro (12ê Gulane) Merkezê Kultur û Kongre yê Çand Amedî de saet 20:00 de kayê Tîyatroyê Şarî yê Şaredarîya Amedî ya Şaristanê Girdî ke nameyê ey "Romeo û Juliet (Niha Çawa ye)" yo, reyde do dest pêbikerê. Reyna ewro eynî saete de Parka Korhata Baglarî de fîlmê "Zîwanê Dayike" ke Sarkew Mesgarî viraşto zî do bêro nîşandayene.

Roja Sêşeme 13ê Gulane, saete 20:00 de fîlmê "Kilama Dayika min" ke Erol Mintaşî viraşto, do temaşekaran reyde bêro têhet.

Farqîn de 14ê Gulane saet 15:00 de Kanîya Navîne de seba gedeyan atolyeya gêrayîşî do bêro organîzekerdene. Eynî roje Parka Mehmed Uzunî ya Yenişehîrî de saet 20:00 de fîlmê "Di Nav Berê de" yê Alî Kemal Çinarî do bêro nîşandayene. Roja 16ê Gulane qezaya Sûrî de Taxa Ozerklî de atolyeyê gedeyan ê gêrayîşî bi sernameyê "spor û kay" do bêrê organîzekerdene. 18ê Gulane, saete 15:00 de Taxa Kavacikî ya Lîceyî de atolyeyê gedeyan ê gêrayîşî do bêrê organîzekerdene.

Rojê Kitabanê Kurdkî

15ê Gulane, saet 16:30 de vera Şaredarîya Şaristanê Girdî de pîrozîya Roşanê Ziwanê Kurdkî û akerdişê Nawitgehê Kovara Haware do bêro kerdene. Eynî roje saete 18:00î de Meydanê Berê Koyî de akerdişê çadiran seba Rojanê Kitabanê Kurdkî û standî do bêro kerdene. Reyna eynî ca de nawitgehê resimê gedeyan do bêro akerdene. Saete 19:30î de badê konserê Grûba Peyalî ke gedeyanê wendegehê konservatuarî ra awan bîya, belgefîlmê "Ahmedê Kurdî ra Kovara Hawarî" ke Ferît Demîrelî viraşto, do bêro nîşandayene.

Meydanê Berê Koyî de 16ê Gulane, saet 14:00 de goşdarîya şîîran bi sernameyê "Şîîr û Vindertiş: Nuştoxê ke Kurmancî nusnenê Zazakî wanenê" do bêro kerdene. Goşdarî de ke Azad Zal û Stran Jîyan do moderatorî bikerê, Ferat Dengîzî, Leylana Sidikî, Resul Ustun, Ronahî Farqînî, Sîyabend Demîr, Sultan Yaray, Veysî Ulgen, Zozan Gulan do sey qiseykerdox beşdar bibê. Saet 15:00 de qiseykerdoxê beşê dîyine bi sernameyê "Nuştoxê ke Tirkî nusnenê Kurmancî wanenê" do Aydin Alp, Aysun Çakir, Îhsan Yildiz, Mehmet Aksal, Nesrîn Erdogmuş, Nurcan Çager bibê. Eynî roj reyna Meydanê Berê Koyî de saet 16:00î de Amed Tîgrîs sey qiseykerdox beşdarê panelê "Tarîx û Kulturê Amedî" bibo. Saet 20:00î de Parka Anzele de fîlmê "Di Navberê de" yê Alî Kemal Çinarî do bêro nîşandayene.

Tûrê Pakkerdişî

Turê pakkerdişê dorûverî yê Baxçeyanê Hevselî bi sloganê "Ez hem Wayîrê Ziwanê Xo Vejîyena hem zî Wayîrê Şaristanê Xo Vejîyena" 17ê Gulane de saet 09:00 de Meydanê Berê Koyî de kom bibo û do bêro kerdene. Saet 14:00 de çadirê falîyetî yê meydanî de panelê bi sernameyê "Hîs û Şîîr" ke Jehat Rojhîlatî do moderatorî bikero, qiseykerdoxê ey zî do Herdem Merwanî, Îlhan Dayan, Leyla Saraç bibê.

Saet 15:00 de Nuştox Ekrem Koçbaşî, bi sernameyê "Kiştişê Bilbilî yê Harper Lee û Açarnayîşê Kurdkî" do prezentasyonêk bikero. Saet 17:00 de qiseykerdoxê panelê bi sernameyê "Roman û Komel" zî yê Omer Dilsozî do bibo. Saet 20:00 de şewa dengbêjan reyde falîyet do dewam bikero.

Meydanê Berê Koyî de 18ê Gulane, saet 14:00 de terraqa bi mewzûyê "Halê Şîîra Kurdkî badê Serranê 2000î de Bakur û Kovara Şîîranê Barî" yê Rêzan Dîljen, Emerîkê Sîdîqayî do bibê.

Saet 16:00 de mewzûyê "Tewiranê Deyîranê Kurdkî" de moderatorîya Jehat Rojhîlatî de Mehmet Afşar do qisey bikero. 19ê Gulane de zî do Rojê Kitabanê Kurdkî bi peynî bibê.