Şaredarîya Amedî ya Şaristanê Girdî, seba viraştişê torêka resî ya biemnîyete bajarî de rayîr û peyerayîran de xebatan ramena.

Serekîya Daîreya Resî seba zêdekerdişê emnîyetê trafîkî, berzkerdişê rehetîya resî heme bajarî de xebatanê xo dewam kena. Na çarçewa de merkezê şaristanî û qezayan de seba rayberîya şofor û peyayan 32 hezar 987 lewhayê trafîkî yê neweyî ameyî ronayene, xebatê pakerdişî û newekerdişî ameyî kerdene.

2 hezar 310 kîlometre xeta rayîrî ameye newekerdene

Seba zêdekerdişê emnîyetê şuxilnayîşî yê arteranê serekeyan cade û kûçeyan de 2 hezar 310 kîlometreyê xeta rayîrî ameye newekerdene, qedexeyê parkkerdişî, rayber û nîşanê îqazê lezî ameyî ronayene.

Bitaybetî derûdorê mekteban, vera nêweşxaneyan û cayê ke zafêrî peyayî tede est ê, vîyerê peyayan reyna ameyî boyaxkerdene ke hîna weş asê.

Bişkojê îqazî yê bi enerjîya rojî

Seba rindkerdişê trafîkê erabeyan yê mîyanê çatrayîran de bi saya bişkojanê îqazî yê bi enerjîya rojî ke bi hawayê kiştkî ronîyayê refûjan û dîyayîşê şewe zêde bî. Heme bajarî de seba zêdekerdişê emnîyetî, 442 hebî bişkojê îqazî ameyî ronayene. Bi no hawa gama ke şoforî nêzdîyê çatrayîran benê, ê seba ke dîqet bikerê yenê îqazkerdene.

Seba ke limîtê lezî bêrê tetbîqkerdene û bitaybetî cayê hesasî sey mekteb, nêweşxane, camî de trafîkê erabeyan bêro hêdîkerdiş, 1 hezar 548 metre kasîsê hêdîkerdişî ameyî viraştene. Seba ke bala şoferan biancê ser, kasîsî bi îşaretan ameyî destekkerdene.

Serekîya Daîreya Resî goreyê amancê zêdekerdişê emnîyetê trafîkî û hîna rindkerdişê resayîşê mîyanê bajarî do xebatanê xo dewam bika.