Hemşaredara ma Serra Bucak beşdarê çalakîya peynîya serre ya Kreş û Keyeyê Miqateyê Rojane yê Zarokîstanî yê 450 Evlerî bîye.

Çalakîya ke Merkezê Kultur û Kongreyê ÇandAmedî de ame organîzekerdene, tede Hemşaredare Bucak ra teber zaf keye û gedeyê xo pîya ca girewt.

Hemşaredara ma Bucak ke muhîmîya ziwanî ser o vindert, va "Ziwan kokê ma yo, ziwan herra ma ya, ziwan estbîyayîşê ma yo" û qeyd kerd ke ê qadê kultur û hunerî de ziwanê kurdkî rê qîmet danê.

Bernameyî de nîşandayîşê sînevîzyonî ame kerdene ke tede çalakî û xebatê gedeyanê ke kreş de perwerde vînenê, ca girewt.