Şaredarîya Şaristanê Girdî ya Amedî, "Projeya Bajaranê Dostê Cinîyan III" de ke hedef keno ke cinî cuya bajarî de bi hewayêko seypê, emîn û aktîf ca bigîrê, ca girewt. Çarçewaya proje de mabênê Şaredarîya Şaristanê Girdî û TBB’yî de protokolê hemkarîye ame îmzakerdene.

Şaredarîya Şaristanê Girdî ya Amedî, "Projeya Bajaranê Dostê Cinîyan III" de ke hedef keno ke cinî cuya bajarî de bi hewayêko seypê, emîn û aktîf ca bigîrê, ca girewt. Bi destekê malî yê Yewîya Ewropa (AB), hemparîya Yewîya Şaredarîyanê Tirkîya (TBB) û tetbîqê Fonê Nifûsî yê Milletanê Yewbîyayeyan (UNFPA) programo ke do bêro kerdene, kordînasyonê ci yê herême Serekîya Daîreya Xizmetanê Cinî û Keyeyî do bikero.

Protokol ame îmzakerdene

Hemşaredara Şaredarîya Şaristanê Girdî Serra Bucak, çarçewaya projeyî de protokolê hemkarîye mabênê Şaredarîya Şaristanê Girdî û TBB’yî îmza kerd. Proje reyde yeno hedefkerdene ke beşdarîya seypêyîya cinîyan heme xizmet û mekanîzmayanê qerarkerdişî yê şaristanî de bêrê caardene.

Programo ke hîrê serrî dewam keno, do destur bido rayberîyanê herêmî ke polîtîkayî ke tecrube û hewcedarîyanê ciwîyayîşê cinîyan ser o yê, awan bikerê. Do şaristanî rê ke tede temsîlkerdişê aktîf ê cinîyan temin bîyo, modelê beşdarî yê prosesanê planîzasyonî, butçekerdiş û îdarekerdişî bêrê pêşkeşkerdene.

Bajarê dostê cinîyan çi yo?

Bajarê dostê cinîyan; bajarêk o ke cinîyan rê resayîşêko seypê sihet, perwerde, şuxulyayîş, xizmetê komelî, res û xizmetanê bajarî û mekanîzmayanê pawitişî yê vera şîdetî temînat biko, rayberîyanê herême de heqê cinîyan vatişî est o. Nê bajaran de cinî, camêrdan reyde cuya bajarî ya her qade de bi hewayêko seypê ca gênê û firsendanê bajarî ra bi hewayêko seypê feyde gênê.

Şaredarîyanê bînî ke KDK III. Programî de ameyî weçînayîş nê yê: Edene, Semsûr, Enqere, Antalya, Aydin, Balikesîr, Bursa, Denîzlî, Edîrne, Erzurum, Eskîşehîr, Gîresun, Îstanbul, Îzmîr, Qers, Meletî, Manîsa, Mersîn, Mugla, Nevşehîr, Nîgde, Ordu, Riha, Tekîrdag.