Hemşaredarê Şaredarîya Amedî ya Şaristanê Girdî Serra Bucak û Dogan Hatun, beşdar lansmanê Festîvalê Fîlmanê Amedî yo 3. yê Mêyannetewî bîyî ke 9-16ê Teşrîna Peyêne de do bêro kerdene.

Hemşaredaranê Amedî yê Şaristanê Girdî bale ante ser ke xeta têkoşînekî vejîyaye meydan ke vera tehdayanê kultur û hunerî de yeno kerdene.

8 serran ra dima reyna dest pê keno

Festîval ke hetê Yewîneya Sînema ya Serekîya Daîreya Xebatanê Kultur û Komelkîyan ra yeno organîzekerdene, 8 serran ra dima reyna sînemahesan reyde yeno têhet. Lansman Konaxê Cemîlpaşayî yê Qezaya Sûrî yê tarîxî de ame kerdene. 

"Ma wazenê festîvalêko hempar bikê"

Hemşaredare Bucak va: "Ma wazenê Festîvalê Fîlmanê Mîyannetewî yê 9-16ê Teşrîna Peyêne de hem beyan bikê hem zî na xebate bikê hempare. Amed bajarêko huner û kulturî yo. Ma wazenê festîvalêk bikê ke tena merkezê Amedî de nê, heme qezayanê Amedî de, heme komelê sivîlî û rêxistinê hunerî tede ca bigîrê."

"Xeta bîne zî vejîyaye meydan"

Bucak wina dewam kerd: "Xebatê kultur û hunerî nika vera tehdayanê sîstemî de yê. La ma zanê ke şar û têkoşorî xetêka bîne zî vejenê meydan. Na xete de rêçê Yılmaz Guneyî, yê Fîlmê Rayîrî, rêçê Halîlî est ê. Ez wazena bi nê vatişan qiseyanê xo biqedêna 'Ha reyna Dîyarbekir, ha reyna Amed ha newe ra Festîvalê Fîlman ê Amedî. '”

"Ma do ziwanê xo û kulturê xo bipawê"

Hemşaredar Hatunî va: "10 serran ra kulturê Kurdî û hunerê ey ameyo daraxa helîyayîşî. La seke ma vatbî: Yew çilka gonîya ma zî ganê ma de bigêra, ma do ziwanê xo, kulturê xo û sînema ya xo bpawê."

Festîvalo ke bi sloganê "Dinya estanekan reyde yena têhet" dest pê keno, 8 rojî do dewam keno.

Hemşaredaran Dilşa Saîd û ekîbê ey rê formaya Amedsporî dîyarî kerd.