Bi serkêşîya Şaredarîya Amedî ya Şaristanê Girdî Koordînasyonê Kontrolê Xidayan ke ame awankerdene, Gulane de 989 tesîsan de kontrolî ramitî û 372 kîlogram xidayê xirabî û tarîxê înan ê şixulnayîşî vîyarto, ameyî destserronayene, 51 tesîsan derheqê de zî prosedurê qanûnî ameyî tetbîqkerdene.

Serekîya Daîreya Xebatanê Weşîye, seba ke şar xo biresno xidayanê biweşîye û biemnîyetan, kontrolanê xo dewam kena. Na çarçewa de Serekîya Daîreya Xebatanê Weşîye, Serekîya Daîreya Zabîta û ekîbê şaredarîyanê qezayan reyde Koordînasyonê Kontrolê Xidayan, lokanta, pastaxane û îmalatxane û tesîsan de kontrolanê xo dewam kena.

372 kîlogram xidayî ameyî destserronayene

Hetê Koordînasyonê Kontrolê Xidayan ra Aşma Gulane de seba pawitişê weşîya şarî û seba ke şar xidayanê biemnîyetan bigîro, 989 tesîsan de kontrolî ramitî. Kontrolan de, 51 tesîsan de pêro pîya 372 kîlogram xidayê xirabî yan tarîxê înan ê şixulnayîşî vîyarto seba ke bêrê îmhakerdene ameyî destserronayene, tesîsî derheqê goreyê proseduranê qanûnîyan ameyî tetbîqkerdene.

Seba weşîya şarî kontrolî dewam kenê

Ekîbê ma, Roşanê Qurbanî ra ver îmalatxaneyanê şîranî, tesîsan de kontrolanê xo do zêde bikê û vera rewşanê ke weşîya şarî tehdit kenê tedbîranê xo bigîrê.