Şaredarîya Şaristanê Girdî, seba ke şar Roşanê Qurbanî aramî û emnîyetî mîyan de bivîyarno, hazirîyê xo qedênayî.

Ekîbê Serekîyanê Daîreya Pawitişê Derûdorî û Kontrolî, Xebatanê Weşîye, Zabîte û İtfaîye Roşanê Qurbanî de do sahayî ra bibê.

Serekîya Daîreya Zabîte;

Pêroyê bajarî de seba patpat, fîşekê hewayîyan, maytap, torpîl û madeyê bombeyî ûsn û marketanan de xidayê ke tarîxê şixulnayîşê înan vîyarto, kontrolanê xo dewam kena.

Şewa erefe û sibayê roşanî Goristanê Berê Koyî yê Mardînî, Şehîtlîkî û yê Yenîkoyî de kontrolanê xo do dewam bikero.

Ekîbê Serekîya Daîreya ma ya Xebatanê Weşîye, roşan ra ver pêroyê bajarî de heme îmalathaneyan de seba ke bi hawayêko hijyenîk û weşîye bixebitîyê kontrolanê xo do dewam bikero.

Ekîbê ma seba ke şar zîyaretê goristanan bi hawayêko pak bikero, goristanan de xebatan da destpêkerdene. Xebatan verê Goristanê Yenîkoyî yê Qezaya Baglarî de dest pêkerd, vaşanê kovî yê goristanî birîyayî, rayîrê pak bîyî û çopî arêdîyayî. Ekîbanê ma rayîrê goristanî mîyan de xebatê tamîrî zî kerdî.

Serekîya Daîreya Pawitişê Derûdorî û Kontrolî, ekîbanê şaredarîyanê qezayan reyde pîya heme arteranê sereke û yê bînan do pak bikero, eke hewce bibo arteranê serekeyî yê merkezî do bêrê şutene.

DÎŞTÎ û otogarê qezayan de ekîbanê xebata pakkerdiş û şutişî qedêna û pêroyê bajarî de xebatanê xo dewam kenê.

Seba ke şar îbadetê xo bi hawayêko hijyenîk bikero, pakerdişê heme camîyanê merkezî yeno kerdene. Xebata pakerdişê camîyan Roşanê Qurbanî ra ver do biqedîyo.

 Bazarê heywanan, Borsaya Heywananê Ganîyan, pêroyê cayanê birnayîşanê qurbanan de xebata şutiş û dezenfektekerdişî do bêro ramitene.