Şaredarîya Amedî ya Şaristanê Girdî û Şaredarîya Baglarî, çarçewaya proyeya "Her taxe rê yew kitabxane" de 2 proyeyê kitabxaneyî bînî yene awankerdene.

Taxanê Fatîh û Şeyh Şamîl yê Baglarî de di kitabxaneyan reyde ke do bêrê avakerdene, yeno waştene ke ciwan, gede û cinî nînan ra îstîfade bikê.

Hemşaredarê Amedî Serra Bucak û Dogan Hatun, Hemşaredarê Şaredarîya Baglar Leyla Ayaz û Siraç Çelik pîya 2 kitabxaneyê ke ameyoxî de do bêrê tamîrkerdene, cayê xo de etud kerdî û derheqê xebatan de melûmatî girewtî.