Hemşaredara Şaredarîya Amedî ya Şaristanê Girdî Serra Bucak, beşdarê Festîvalê Opera û Bale yê Anadolî yo 1. bîye ke Qelaya Zerzevan de ameyo organîzekerdene.

Qelaya ke Lîsteyê Mîrasê Dinya yê UNESCO de ca gêna, tede konserê "Herême ra Globale" ame sahnekerdene û seba heskerdoxanê mûzîkî tecrubeyêko bêemsal pêşkêş kerd.

Hemşaredare Bucak ekîbê operayî tebrîk kerd

Hemşaredar Bucak, badê konserî Opera û Baleya Dewlete ya Mersînî rê nameyê pêşkêşkar Volkan Severcanî reyde çîçek pêşkêş kerd û va: "Nameyê şarê Amedî ser , seba ke ameyê tîya, seba ke Qelaya Zerzevanî hîna efsûnkar kerda, ez şima rê sipas kena." Hemşaredare Bucak ekîbê operayî seba performansê înan tebrîk kerd.

Programî de Sekreterê Pêroyî yê DBB’yî Emrullah Gorduk, hemşaredarê qezayan, Rektorê Unîversîteya Dîcle Kamuran Eronat, Hetkarê Walîyî Aziz Golbaşi, Serekê Odaya Bazirganî ya Amedî (DTSO) Mehmet Kaya, temsîlkarê rêxistinanê sivîlan û şar beşdarê ci bîyî.