Şaredarîya Amedî ya Şaristanê Girdî, seba ke gedeyan aşmanê hamnanî de sporî reyde bîyaro têhet, Wendegehanê Sporî yê Hamnanî yê bêheqan organîze kena.

Serekîya Daîreya Xîzmetê Ciwan û Sporî, do gedeyanê 7-17 serreyan tatîlê hamnanî de sporî reyde bîyaro têhet û piştî bido xurtkerdişê beden, komelkî û zîhnî. Na çarçewa de kursan de; futbol, basketbol, voleybol, tenîs, kayê aqil-zeka, karate, asnawe, tekwondo, hentbol, kodkerdişo robotîk û Îngilîzî de perwerde do bêro dayene.

Qeydî 23ê Hezîrane de dest pêkenê

Seba Wendegehanê Sporî yê Hamnanî yê bêheqan qeydî 23ê Hezîrane dest pêkenê û heta 4ê Temmuze dewam kenê. Kursê ke sînorê kontenjanî çin o, 7ê Temmuze de dest pêkenê û 5ê Êlule qedîyenê.

Cayê Qeydî

Êyê ke wazenê xo qeyd bikê, Sumerpark, Kompleksê Sporî yê Talaytepe, Kortê Tenîsî yê Girêdayeyê Mahabad 75, Sahaya Çîme ya 2. ya Seyrantepeyî ya Şaredarîya Şaristanê Girdî, Hewza Akerde ya TOKÎyê Seyrantepe, Sahaya Futbolî ya Taxa Yenîko de may û pîyê xo reyde eşkenê muracaat bikê.

Perwerdeyî tesîsanê cîyayan de do bêrê dayene

Gede û ciwanî, bi perwerdekaranê pisporan hewte de 5 rojî perwerde gênê. Kursî, tesîsanê cîyayan ê Şaredarîya Şaristanê Girdî de do bêrê dayene.

Tesîsê sporî yê kursan

Kursî, Sumerpark, Sahaya Taxa Yenîkoyî, Sahaya Taxa Gokkuşagî, Sahaya Çîme ya 1. ya Şaredarîya Şaristanê Girdî, Hewza Akerde ya TOKÎyê Seyrantepeyî, Kompleksê Sporî yê Talaytepeyî, Kortê Tenîsê Girêdayeyê 75î de do bêrê organîzekerdene.

Perwerdeyê Îngilîzî zî do bibo

Branşê sporî ra teber, seba wendekaranê sînifanê 3. heta 8. sevîyeya A1-A2 dersê Îngilîzî zî hewte de 5 rojan de do bêrê dayene.

Saetê rojan ê programanê kursan, perwerdekarê branşî plansazî kenê û may û pîyan agahdar kenê.