Şaredarîya Amedî ya Şaristanê Girdî, seba zêdekerdişê koordînasyon û kooperasyonî warê têkoşînê  afetan de, beşdarîya 9 şaredarîyanê qezayan û rêxistinanê komelê sivîlî reyde Têhetameyîşê Koordînasyonî yo 2. viraşt.

Pêşengîya Serekîya Daîreya Karê Afetan reyde, Merkezê Kulturî û Kongre yê Çand Amedî de beşdarîya 9 şaredarîyanê qezayan û rêxistinanê komelê sivîlî reyde Têhetameyîşê Koordînasyonî yo 2. ame viraştene. Têhetameyîşî de şaredarîyê Yenîşehîr, Sûr, Çêrmûg, Erxenî, Hezro, Çînar, Karaz, Farqîn û Bismil reyde rêxistinê komelê sivîlî yê cîya-cîyayî beşdar bîyî. Têhetameyîşî de Serekê Daîreya Karê Afetan Azat Yildiz pêşengî kerd.

Kêmanîyê 26 cayanê kombîyayîşî ameyî tesbîtkerdene

Têhetameyîşî de ame îfadekerdene ke Amed de pêro teqrîben 90 cayanê kombîyayîşî ra 26ê înan berpirsîyarîya Şaredarîya Şaristanê Girdî de yê û nê cayan de seba tesbîtkerdişê kêmanî û çareserîyê înan gamê ke ganî bêrê eştene, ameyî parekerdene.