Konseya Şaristanî ya Amedî kombîyayîşê xo yo adedî yo 31. bi temaya "Neseypêyîyanê Şaristanî" viraşt û Hemşaredarê Amedî yê Şaristanê Girdî Serra Bucak û Dogan Hatun beşdar bîyî û va ê do xebatan pîya bikê.

Konseya Şaristanî ya Amedî kombîyayîşê xo yo 31. yo adedî, bi temaya "Neseypêyîyanê Şaristanî" Merkezê Kulturî û Kongre yê Çand Amedî de kerd. Kombîyayîşî de hemşaredarê Konseya Şaristanî û yê Şaredarîya Şaristanê Girdî Serra Bucak û Dogan Hatun, hemşaredarê qezayan, temsilkarê rêxistinanê komelê sivîlî û şar beşdar bîyî. Sekretera Pêroyî yê Konseya Şaristanî Selvî Tunç qiseya akerdişî kerd û bale ante ke ê yenê têhet ke neseypêyîyanê şaristanî bidê asayîş.

Wekîlê CHP’yî yê Amedî Sezgîn Tanrîkuluyî va ke Amed nasnameyê tarîxî, kulturî û sîyasî est ê û seba ney dinya de şaristananê enderan ra yew o. 

Hemşaredare Bucak va xebatan do pîya munaqeşe bike û îfade kerd ke neseypêyîyanê şaristanî sînorî, kategorîyî û binpaykerdiş ê. Hemşaredare qeyd kerd ke mîrasê demokratîk ê şaristanî qasê mîrasê kulturî manadar o û têkoşînê şaristanî her roje gird beno.

Hemşaredar Hatunî îfade kerd ke awankerdişê Konseya Şaristanî ser ra 9 aşmî vîyartî û binê banê ey de 8 meclîsî awan bîyî. Hatunî va 8 serran ra dima reyna awankerdiş zaf zehmet o û qeyûmî tena awanî û xîzmetanê şaristanî rê ney, ruh û zihnîyetî zî xirab kerdo. Hemşaredarî derheqê çareserîya problemê Kurdî de îfade kerd ke ma zî ganî destê xo dekê binê kerra çunke wayîrê nê şaristanî şar o.