Hemşaredarê Amedî yê Şaristanê Girdî Serra Bucak û Dogan Hatunî, parkanê Goletlî û halîl Îbrahim Oruçî de şarî reyde ameyî têhet û ê goşdarî kerdî

Şaredarîya Amedî ya Şaristanê Girdî seba ke problemanê şarî rasterast goşdarî bikero û çareserîyêk peyda bikero dewam kena ke şarî reyde bêro têhet. Çarçewaya programê Serekîya Daîreya Weşan, Çapemenî û Şarî Reyra Têkilî de Hemşaredare Bucak Parka Goletçî de, Hemşaredar Hatun zî Parka Halîl Îbrahîm Oruçî de şarî reyde ameyî têhet.

Hemşaredare Bucak şar goşdarî kerd

Hemşaredare Bucak ke Parka Goletlî de gêra û şar goşdarî kerd, îfade kerd ke ê bi fehmê xo yê rayberîya herêmkîye şarî reyde pîya hereket kenê. Zîyaretî de şarî waştişê xo yê sey reşa parke, probmlemê taxe û rastkerdişê derûdorî îfade kerd û Hemşaredare not kerdî.

Şarî sewbîna derheqê nêweşîya çolyakî de waşt hîna zaf çî mîyê bêglutenî bêrê viraştene û hîna zaf resayox bibê.

Henmşaredar Hatun: Ma do çareyêk peyda bikê

Hemşaredar Hatun ke Qezaya Kayapinarî de Parka Halîl Îbrahîm oruçî ra gêra,waştişê şarî goşdarî kerdî, ciwanan reyde ronişt û sohbet kerd. Hemşaredar Hatunî ke îfade kerd ke ê seba ke derd û waştişanê şarî rasterast goşdarî bikerê, taxan ra mîyanê bajarî ra gêrenê, dîyar kerd ke ê do seba heme problemanê şarî yê sey pakîye, dermankerdiş û parke çareyêk peyda bikerê.

Zîyaretê parkan de endamê meclîsî û serekê daîreyan hemşaredaran reyde bîyê.