Şaredarîya Amedî ya Şaristanê Girdî, Qezaya Karaz de Raya Grûba Taxan a Gokçen-Bozbaglar-Gunalan a 7,5 km de xebata asfaltî da destpêkerdene.

Serekîya Daîreya Koordînasyonê Pawitişê Rayîr û Binawanî, seba ke res hîna biemnîyet û rehet bibo 17 qezayanê şaristanî de taxanê dewan de xebatanê xo dewam kena. Ekîbî rayîranê grûba taxan û girêdeyan de xebatê binge, pirrkerdiş, stabîlîze û asfaltî kenê û problemanê resî yê şarî çareser kenê.

Ekîbê ke qezayan de taxanê dewan de viraştişê rayîranê neweyan qedêna û dekerdî xizmet, Rayîrê Grûbe yê Taxanê Gokçen-Bozbaglar-Gunalanî de ke 3 taxanê girêdayeyê Qezaya Karazî û 1 dewe gêna xo mîyan, xebata asfaltî dest pêkerd.

Rayîro 7,5 km yeno asfaltkerdiş 

Ekîban Rayîrê Grûbe yê Taxan ê 7,5 km de ke taxanê Gokçen, Bozbaglar û Gunalan û dewa Ateşlerî yewbînan rê girêdano û hezar û 400 kesî tede ciwîyenê, xebata PMT (Plent Mîks Temel) qedênaye.

Rayîrê Taxa Gokçenî yê 2,5 km ra parçeyêko 1,5 km bi betonî ame viraştene, parçeyo ke mendo, tede xebatî dewam kenê.

Ekîbê ke rayîrê Taxa Bozbaglarî yê 2 km de xebata asfaltî qedênaye, rayîrê dewa Ateşlerî yê girêdayeyê Taxa Gunalanî yê 3 km de xebata asfaltî dewam kenê.