Şaredarîya Amedî ya Şaristanê Girdî, seba ke averşîyayîşê futbolîstanê ciwanan rê piştî bido, qerar da ke beşdarê Lîganê Averşîyayîşî bibo ke hetê Mudirîya Averşîyayîşê Futbolî ya Federasyonê Futbolî yê Tirkîya ra yenê organîzekerdene.

Taximê sporî ke binê Serekîya Daîreya Xizmetanê Ciwan û Sporî de yê, sezonê 2024-2025î de kategorîyanê U14, U15 û U19î de seba beşdarbîyayîşê Lîganê Averşîyayîşî Federasyonê Futbolî yê Tirkîya rê peymane pêşkêş kerd.

Lîgê Averşîyayîşê Futbolî, sey organîzasyonêka lîgî ya taybetî bale ante ke tede taximê U14, U15, U16, U17 û U19 yê klûbanê futbolî yê profesyonelî ca gênê û hedef kenê ke kaykarê ciwanî şertanê munasiban ê averşîyayîşê înan de futbol kay bikê. Bi saya nê lîgan sporkarê ciwanî hem firsendê averşîyayîşê sportîfî peyda bikê hem zî seba cuya xo ya futbolê profesyonelî bingeyêko pêt ronê.

Serekîya Daîreya Xizmetanê Ciwan û Sporî ke xebatanê xo yê keşfkerdişê ciwanan, averşîyayîş û piştîdayîşî bêvindertene dewam kena, bi nê lîganê ke do beşdarê ci bibo, hedef kena ke futbolîstê ciwanî yê şaristanî sewîya neteweyî de xo bimojnê û seba lîganê sewîyeya corêne hazir bibê.