Şaredarîya Amedî ya Şaristanê Girdî dewam kena ke seba şarê xo projeyan viraza ke şarê ma tede xoza reyde bêro têhet û wextêko weş vîyarno. 

Ekîbanê Şaredarîya Amedî ya Şaristanê Girdî seba projeya Parka Mezopotamya ya Kentî ke do vîzyonê şaristanî aver bero, dest bi xebatan kerd. 

Proje Qezaya Kayapinarî de pêresîyayîşê Bûlwaranê Mezopotamya û Dîclekentî de ca gêno û do 216 hezar metrekare ser o bêro awankerdene.

Tedeyîyê parke

• Baxçeyê varanî 
• Panelê enerjîyê rojî
• Cayê festîval û konsertan
•  Beşê spor, pîknîk û arisîyayîşî
•  Rayîrê bîsîklete, rayîrê rayîrşîyayîşî, warê spor û otoparkî
•  Kitabxaneyo serakerde û beşê koleksîyonê nebatan