Hemşaredara Amedî ya Şaristanê Girdî Serra Bucak, Taxa Şehîtlîkî de cinîyan reyde ameye têhet û îfade kerd ke ê hazir ê ke seba cinîyan her tewir piştîdayîşê huqûqî bidê.

Serekîya Daîreya Xizmetanê Cinî û Keyeyî seba ke cinîyan bêro têhet û waştiş û pêşnîyazanê înan goşdarî bikero, dewam kena têhetameyîşanê cinîyan organîze bikero. Na çarçewa de bi beşdarîya Hemşaredara Amedî ya Şaristanê Girdî û endamê meclîsî, Sereka Daîreya Xizmetanê Cinî û Keyeyî Ozden Gurbuz Sumer û xebatkarê DÎKASUM’î Qezaya Yenîşehîrî Taxa Şehîtlîkî de têhetameyîşê cinîyan ame organîzekerdene. Cinîyahn eleqeyêko zaf mijna.

Xebatkaranê DÎKASUM’î ke heqê qiseykerdişî girewt, derheqê xebatanê xo de melumatî dayî û îzah kerd ke cinî senî eşkenê xo biresnê xo.

Hemşaredare Bucak: Şima wayîrîye kerd û sebir kerd

Hemşaredare Bucak ke têhetameyîşî de qisey kerd, dîyar kerd ke wina têhetameyîşî ke cinî tede problem û waştişanê xo îfade kenê, zaf muhîm ê û va: “Taxanê ma de, kuçeyanê ma de xeylê meseleyî est ê. Sey nimune, wexto ke ma ameyêne tîya, seba asfaltkerdişê rayîrî şarî sipasîya ma kerde. Esas ma sipas kena. 8 serranê qeyumî ra dima şima zaf weş wayîrîye kerde û na yew serre şima sebir kerd.”

‘Ma tîya yê ke ma bivînê ka ma eşkenê se bikerê’

Hemşaredare Bucak ke îfade kerd ke tena seba problemanê taxe ney seba problemanê xo mîyanê keyeyî şîdetê cinsîyetê komelkî zî bêrê şaredarî. Ma hazir ê seba ke her tewir piştîdayîşê huqûqî bidê cinîyan. Ma ameyî tîya ke ma bivînê ka ma eşkenê se bikerê. Seba ke şima ma goşdarî kerdî, ma şima hemînan rê sipas kenê.”