Şaredarîya Şaristanê Pîlî ya Amedî, rayîro 19 kîlometreyin ê Şekerören-Başalan-Belenlî Koma Taxan ke qezayê Çinar û Bismil resneno pê de xebata asfalte da destpêkerdene.

Serekîya Dayîreyê Koordînasyonê Binawanîye û Ciewnayîşê Rayîran, seba ke res hîna emnîyetdar û rehet bibo, taxanê bejeyîyan ê 17 qezayanê şaristanî de xebatanê xo dewam keno. Ekîbî, rayîranê koma taxan û girêyanê înan de xebatanê bingeyê binî, pirkerdiş, stabîlîze û asfalte kenê û problemanê resî yê hemwelatîyan hel kenê.

Ekîbê ke taxanê bejeyîyan ê qezayan de rayîrê neweyî temam kerdê û xizmete rê akerdê, bi amanco ke rayîrê Koma Taxanê Şekerören-Başalan-Belenlî ya ke 7 taxanê Qeza Çinarî û 1 mezra gêna xo ver newe bikerê, xebatanê xo dewam kenê.

Rayîro 19 Kîlometreyin Êno Asfaltkerdene

Ekîban, rayîro 19 kîlometreyin ê Koma Taxano ke taxanê Şekerören-Başalan-Belenlî-Karalar-Kutluk-Hasköy-Başaklî yê ke 8 hezar kesî têde ciwîyenê û mezra Abarosî pêresneno de, xebata binawanîye temam kerde. Rayîro ke qezayanê Çinar û Bismil pêresneno de zî, xebatê stabîlîze, bingeyê binî, bingeh û awanîya hunerî temam kerdî û dima, ravistişê piragirewtişê satihî da destpêkerdene.