Meclisê Şaredarîya Şaristanê Pîlî ya Amedî, bi amanco ke warê weşîya heywanan, xizmetê veterînerîye, pawitişê heywananê kuçeyan û warê eleqedaran de hîna bisurat û berdar xebatî bêrê kerdene, bi yewray (oy birliği) bire daye ci ke Serekîya Dayîreyê Veterînerîye bêra ronayene.

Roniştişê dîyin ê kombîyayîşê adetî yê aşma tebaxe yê Meclisê Şaredarîya Şaristanê Pîlî ya Amedî, bi serekîya Serekvekila Meclisî Evin Yelboğa ame serûberkerdene. Endamê meclisî beşdarê Kombîyayîşo ke bînaya xizmetî ya Şaredarîya Şaristanê Pîlî de ameyo kerdene, bîy. Kombîyayîşî de maddeyanê rojeve ser o ameyê vinıtene û yew birrêka girînge ame dayene.

Şaredarîya Şaristanê Pîlî ya Amedî, bi amanco ke xizmetê veterînerîye hîna bitesîr û bikoordînatîf bêrê kerdene, birre daye ke yew yewînîyêka neweye awan bikera. Meclisê Şaredarîye, ronayîşê Serekîya Dayîreyê Karanê Veterînerîye bi yewray qebul kerd.

Serekîya dayîreyê neweye, warê weşîya heywanan, xizmetê veterînerîye, pawitişê heywananê kuçeyan û waranê eleqedaran de hîna bisurat û berdar do xebate bikera.