Şaredarîya Bajarê Pîlî ya Dîyarbekirî, bi amanco ke kar û muameleyê şoforanê plakayanê tîcarî bi hawayêko serûber binê qeydî de bêrê girewtene, tetbîqkerdişê ''Karta Şoforî'' 18 Tebaxe de do dest pê bikero.

Serekîya Dayîreyê Resî, esasê Maddeya 14. ya Rêziknameyê Wesayîtanê Kiriştişê Komelkî yê Taybetî ser o, bi amanco ke kar û muameleyê şoforanê plakayanê tîcarî bi hawayêko serûber binê qeydî de bêrê girewtene, tetbîqkerdişê ''Karta Şoforî'' 18 Tebaxe de do bêro caardene.

Tena bi yew 'Karta Şoforî' Eşkenê Bixebitîyê

Tetbîqkerdişê ''Karta Şoforî'' yo ke kombîyayîşê aşma hezîrane yê Meclîsê Şaredarîya Bajarê Pîlî ya Dîyarbekirî de ameyo munaqeşe kerdene û ser o birre ameya dayene, seba wesayîtanê tîcarî yê plakayanê TT, S, M û HO yê ke mîyanê sînoranê Şaredarîya Bajarê Pîlî de fealîyet kenê, amanc keno ke xizmetanê kiriştişê komelkî de emnîyet û kontrol zêde bikero. Bi tetbîqkerdişî, seba pêro şoforanê wesayîtanê tîcarî yê plakayanê TT, S, M û HO yî, girewtişê na karte, ame mecbûrî kerdene. Şoforê ke wayîrê ehlîyetê sinifa D û serê cî yê, eke biwazê, eşkenê tena bi yew ''Karta Şoforî'' ya ke pêro grûbanê plakayan gêna xo mîyan, bixebitîyê.

Bi hawayêko serûber do bêro kontrolkerdene

Bi tetbîqkerdişî yo ke xizmetanê kiriştişê komelkî de yew sîstemê kiriştişî yo hîna emnîyetdar, bikontrol û kontrolbar  armanc keno, êyê ke wayîrê karta şoforî yê, hetê polîsanê trafîkî û zabitayanê trafîkî ra bi hawayêko serûber do bêrê kontrolkerdene. Karta Şoforî, her serre do tabîyê mecbûrîyetê rojanekerdişî  bibo.

Perwerdeyî û raporê weşîye do mecbûrî bibo

Rojanekerdişan de ke prosesê vilakerdişê kartî ra dima do bêrê kerdene, şertê temamkerdişê perwerdeyî yo ke hetê Şaredarîya Bajarê Pîlî ra do bêro dayene û şertê dayîşê raporê weşîye yo ke nêxebitnayîşê maddeyanê kungkeran musneno, do bêrê waştene.

Çarçeweya Rêziknameyê Plakayanê Tîcarî de, eke derheqê şoforan de rewşê qedexekerdeyî bêrê tesbîtkerdene, karta kesê eleqedarî do bêro betalkerdene û rewşa sûc û îxlalî do bêro ercnayene û yew muddeto taybetî kiriştişê komelkî ra do bêro menkerdene.

Serekîya Dayîreyê Kiriştişî rê do serpirodayîş bêro kerdene

Şoforî, temamkerdişê belgeyanê laziman ra dima, 18 Tebaxe ra pey Muracaatê Serekîya Dayîreyê Resî kenê û "Karta Şoforî" gênê.

Belgeyê ke seba Karta Şoforî lazim ê

Belgeyî û evrakê ke seba "Karta Şoforî" lazim ê, nê yê:

1) Belgeya Beşdarîya Semînerê Perwerdeyî

2) 1 Edet Fotografê Bîyometrîkî

3) Qeydê Sicîlê Edlî (Şoforê ke Qeydê Sicîlê Edlî yê înan est o; belgeyê tesdîqkerdeyî ke museneno ke sûcanê 81-102-103-104-105-109-179/3-188-190-191-226-227 de hukmî nîyê)

4) Fotokopîyê Raporê Nirxnayîşê Psîkoteknîkî (ehliyetê 0-2 serrî  rê)

5) Raporê Testê Maddeyanê Kungkeran

6) Belgeya Persayîşê Ehliyetî ya ke Rêzkerdişê Cezayanê Trafîkî Musnena 

7) Fotokopîya Karta Nasnameyê Şoforî