Hemsereka Şaredarîya Şaristanê Pîlî Serra Bucake, musabaqeyê Amedspor-Erzurumsporî Stadyumê Amedî de seyr kerd.

Amedspor o ke Lîgo 1. de mucadele keno, musabeqeyo dîyin ê lîgi de Erzurumspor Stadyumê Amedî de kerd meyman. Na musabeqe Hemsereka Şaredarîya Şaristanê Pîlî ya Amedî Serra Bucake, mebûsanê Partîya Têduştî û Demokrasîya Şaran (DEM Partî) Ömer Öcalan, Serhat Eren û Mehmet Kamaç, Serekê Kulîbê Amedsporî Burç Baysal û Walîyê Amedî Murat Zorluoğluyî reyde seyr kerd.

Amedsporo ke terefgiran destek da ci, keyeyê xo de musabaqaya verêne de Erzurumspor reyde 2-2 seypê mendî.

Bi na peynî,Amedspor lîg de rêza 17. de ca girewt û hewteyê ameyoxî de do Sivassporî meyman bikero.