Taximê Voleybolî yê Cinîyan ê Şaredarîya Amedî ya Şaristanê Girdî, goreyê fîkstûrê ke ame antene, no sezon Lîga 1. Grûba B de têkoşîn keno.

Taximê Voleybolî yê Cinîyan ke binê banê Serekîya Daîreyî ya Xizmetanê Ciwan û Sporî de ame ronayene, sezono vîyarte 18 maçan de 15 serkewtiş û 3 binkewtişî girewtî û lîg rêza 3. de qedêna, tena 2 puanî lîderî ra dima bî.

Fîkstûrê sezonê 2025-2026î ame antene

Fîkstûrê sezonê 2025-2026î yê Lîga Cinîyan a 1., Îstanbul Fîşekxane de ame antene.

Lîga Cinîyan 1. Grûba A û B de maçê dewreyê yewie, 4ê Teşrîna Verêne-13ê Kanûne 2025; maçê dewreyê diyinî zî mabênê 20ê Kanûne 2025-15ê Adare 2026î de benê.

Taximê DBB’yî maçê xo yê verênî teber ra keno

Taximê Voleybolî yê Cinîyan ê DBB’yî ke maçê xo yê verênî teber ra Îlbankî reyde keno, Grûba B de nê taximan reyde têkoşîn keno: Kuzeyboru Maxıpıpe Spor, Karayolları, PTT, Sakarya, Afyon Belediyesi Yüntaş, MKE Ankaragücü, Muratpaşa Belediyesi, Zeren Spor, Ted Ankara Kolejliler, Manavgat Belediyesi, Merinos, Konya Ereğli Belediyesi.