Hemşaredara Amedî ya Şaristanê Girdî Serra Bucak, qezaya Yenîşehîrî de xebatê asfaltî ke yenê rayberdene û Îstasyonê Barkerdişê Eşteyan ê Taxa Şehîtlîkî cayê xebate de kontrol kerdî.

Bucak ke Cadeyê Şehîtlîkî de esnafanê ma reyde ameye têhet û problem û waştişê înan goşdarî kerdî, îfade kerd ke tahrîbatê demê qeyûman de ameyî kerdene, game bi game do bêrê wedartiş.

Hemşaredara ma peynî de Cadeyê Îstasyonî de xebatê ke 5 hezar ton rokerdişê asfaltê germî yeno kerdene, kontrol kerd û waşt ke prosesê viraştişê rayîrî bi lez biqedîyo.

Kontrolan de endamê meclîsê ma, sekreterê ma yê pêroyî û hetkarê ey û serekê daîreyan Bucak reyde bîyî.