Hemşaredara Şaredarîya Amedî ya Şaristanê Girdî Serra Bucak, beşdarê premyerê kayê "Jîn (Jinên Azad)" bîye ke kaykerê cinîyan ê DBŞTyî sezonê neweyî pê akenê û waşt ke 1ê Êlule kurdan, şaranê Rojhelatê Mîyanênî û dinya rê bibo wesîleyê aştîye.

Tîyatroyê Bajarî yê Şaredarîya Amedî ya Şaristanê Girdî (DBŞT), sezonê tîyatroyî yê 2025-2026î 1ê Êlule Roja Aştîye ya Dinya de bi premyerî akerd. Pêşkêşkerdişo yewin ê kayê "Jîn (Jinên Azad)" ke kaykerê cinîyan pêşkêş kenê, Merkezê Kongre û Kulturî yê Çand Amedî de bî, programî de Hemşaredara Şaredarîya Amedî ya Şaristanê Girdî Serra Bucak, endamê meclîsî, serekê daîreyan û gelek hemwelatîyî beşdarê ci bîyî. Kayo ke têkoşînê azadbîyayîşê cinîyan ê kurdan ano sahne ser, eleqeyêko gird dî.

Bi ziwanê bedenî têkoşînê cinîyan îfade beno 

Kayo ke bi ziwanê bedenî têkoşînê cinîyan û şeklê serkewtiş yasî îfade keno rejîsorîya ci Mîzgîn Bîlmen, koreografîya ci Berîvan Savgat, dramaturgîya ci zî hetê Berfîn Emektar ra ame hazirkerdene.

Eser, mektûbê Leyla Zana, şîîrê Ebdulla Peşewî û metnê Berfîn Emektar ra behs keno.

Hemşaredar Bucak: 1ê Êlule de kaykerdiş zaf muhîm o 

Peynîya kayî de Hemşaredar Bucak ke ameye sahne û kaykerî pîroz kerdî, wina va: "Nameyê Şaredarîya Amedî ya Şaristanê Girdî ser o şima pêroyînan bi heskerdiş û hurmet selam kena. Ewro zaf heyecanin a, kayê na şewe zaf muhîm o. Ewro 1ê Êlule Roja Aştîye ya Dinya ya. Kurdan û şarê Rojhelatê Mîyanênî rê dinya pîroz bo. Hêvî kena û bawer kena ke 1ê Êlule, aştî, pîyayî û azadîye xo reydebîyaro."