Şaredarîya Amedî ya Şaristanê Girdî, seba ke welatijan reyde têkilîyêka tesîrdarêr bêro ronayene, personelan rê Perwerdeyê Têkilî û Qiseykerdişê Tesîrdarî organîze kerd.

Serekîya Daîreya Çimeyanê Însanî û Perwerdeyî, seba şaredarîya komelkî awanîya sazgehî newe bikero, îdareyê çimeyanê însanî de bi esasanê jêhatbîyayîş û berdarî averşîyayîşêk temîn bikero, xebatanê xo dewam kena. Serekîya Daîre, na çarçewa de personelan rê Salona Kombîyayîşê Meclîsî de Perwerdeyê Têkilî û Qiseykerdişê Tesîrdarî organîze kerd ke 2 rojî dom kerd.
Perwerdeyî de mîyanê înan de şoforê otobusanê şaredarîye, zabita, têkilîyanê şarî, heme yewîneyê şaredarîye û Mudîrîyetê Pêroyî yê Îdareyê awe û Kanalîzasyonî yê Amedî (DÎSKÎ) de xebitîyenê zî est bîyî, 562 personelî beşdar bîyî.

Psîkologê ke binê Serekîya Daîreya Xizmetanê Komelkî de xebitîyenê, personelê ke saha de welatijan reyde yew bi yew têkilî ronenê; "Têkilîya tesîrdare, tewirê têkilîye, unsurê têkilîye û amancê aye, faktorê ke vernîya têkilîye gênê, pêkewtiş û stratejîyanê çareserîye" sey nê sernuşteyan ser o perwerde da.