Turnuwaya Tenîsî ya 15. a Amed Cup ke Şaredarîya Amedî ya Şaristanê Girdî organîze kerd, bicoş dest pêkerd. 319 sporkarî 4 kategorîyan de do kay bikerê.

Turnuwaya ke Serekîya Daîreya Xizmetanê Ciwan û Sporî seba keşfkerdişê sporkaranê biqabîlîyetan organîze kerd, Kortanê Tenîsî yê Park Orman û 75î de dest pêkerd. 13 serrî û corênan rê kategorîyanê "cinîyan a-b" û "camêrdan a-b" de musabeqeyî do bêrê kerdene.

Mardîn, Şirnex, Batman, Riha û Semsûrî ra 223 camêrdî û 96 cinî muracatê xo kerd. Turnuwa 3 cayanê cîyayan de - Park Orman, Parka Ersîn Tatarî û 500 Evlerî de - 10 kortan de heta 14ê êlûle do dewam bika.

Koordînator Mîzgîn Kahraman va 8 hezar gedeyan kursanê sporî ra îstîfade kerd û aye waşt ke turnuwa 2026î de bibo mîyanneteweyî.