Mekanîzmayanê pawitişî û vernîgirewtişî reyde xebatê pawitişê weşîya welatijan û ganîyanê xoza dewam kenê.

Na çarçewa de ekîbanê Şaredarîya Amedî ya Şaristanê Girdî, goreyê waştişanê welatijan û ALO 153, 50 kutikê ke kuçeyan de ciwîyenê û gurrî înan ser o tesbît bîyo, dekerdî bênê tedawî.

Merkezê Şaredarîya Amedî ya Şaristanê Girdî yê Miqateyî û Rehabîlîtasyonê Heywanan de ke 7054 metrekare ser o xizmet keno, tedawî dewam keno.

Kutikan rê hetê veterînerê ma ra 3 hewteyan tedawîya tîbbî yena kerdene.

Tedawî de derman, vîtamîn, destekê mîneralî, miqate û werddayîş yeno kerdene.