Hemşaredarê Amedî yê Şaristanê Girdî Dogan Hatun, çalakîya ke rêxistinanê meslekan ê rojnamegeran organîze kerd, beşdarê ci bî û îfade kerd ke ê bi serran şahidê keda rojnamegeran ê.

Hetê Komeleya Rojnamegeranê Dîcle Firatî (DFG) û Komeleya Rojnamegeranê Cinîyan a Mezopotamya (MKG) ra Qonaxê Cemîlpaşayî de çalakîya ke ameye organîzekerdene, Hemşaredarê Amedî yê Şaristanê Girdî Dogan Hatunî, Hemserekê Pêroyî yê DBP'yî Keskîn Bayindır, Hemverfeka Meclîsê DBB'yî Demet Ceylan, Endama Meclîsê DBB'yî Canan Efe Şahîn, hemşaredarê qezayan, temsîlkarê rêxistinanê sîvîlan û rojnamegerî beşdar bîyî.

Hemşaredar Hatun: Her Dem Azad Bimanê

Hemşaredar Dogan Hatun çalakîye de qisey kerd, beşdaran silam kerd û bal ante muhîmîya çapemenîya azade ser o. Hemşaredar Hatunî ard vîrardene ke rojnamegerî seba azadîya şarî kedêka qîmetdare danê û va: "Ma bi serran şahidê keda şima yê. Xeberê raştî, rey-rey bîyî vengê komelî, rey-rey bîyî qîrayîşê dayîkan, rey-rey bîyî embazê gedeyan. Kotî de xeberêka raşt est a, ma zanê ke çapemenîya azade uca de ya. Çapemenîya azade, komelêko demokratîk û ameyoxê şarê ma yo. Proseso ke dest pêkerdo, bi qelema xo, bi objektîfê kameraya xo şarê ma yê pêroyî agahdar bikerê. Her xebere seba şarî pîroz o, na pîrozî bi destê şima yena nuştene, bi kadrajê makînayanê şima resena şarî. Ez reyna roja şima pîroz kena. Her dem azad bimanê."

Badê qiseykerdişan hunermend Qasim Taşdogan ame sahne, çalakî bi govendan qedîya.