Hunermenda operayî ya namdare ya dinya Pervîn Chakar di rojî masterclass da, ciwananê hunermendan konser da. Hemşaredarî Serra Bucak û Dogan Hatun beşdarê konserî bîyî, piştgirî daye ciwanan.

Pıştgirîya Serekîya Daîreya Karanê Kulturî û Komelkî reyde, masterclassê opera şanî yê Pervîn Chakar qedîya. 14 ciwananê ke perwerde girewt, Merkezê Çand Amedî de konser da. Konserî de wendekarê konservatuarê dewlete û kesê ke muzîkê şarê kurdî musayî - Buse Ozer, Seyîd Erdaş, Semanûr Nûrbakî û yê bînî - bi pîyanîste Pinar Tahîroglu deyîrê kurdkî vatî.

'Ganî Yew Înan rê Rayîr Nîşan Bido'

Pervîn Chakar va 25 serrî yo nê karî kena û hîna zî dewam kena. Çakare wina dewa kerd: "Nê ciwanî tena kurdkî zanê la ziwananê bînan de zî deyîran vanê. Ganî yew înan rê rayîr nîşan bido. Ez destê mi ra çi bêro înan rê rayîrenîşan dana. Amancê mi o yo ke ufqê înan hîra bikera û kesê ke vajê 'Ez ganî biba hunermendê operayî' vejîyê."

'Çand Amed halînê şima yo'

Zeynep Yaş Serekîya Daîreya Kulturî va: "Pervîn Chakar na proje zerrîwazî reyde pêşkêş kerd. Hêvî kena Çand Amed bibo halînê hunermendan. No ca keyeyê şima yo, halînê şima yo."

Qedîyayîşê programî de Hemşaredaran hunermendan rê vilikî pêşkêş kerdî, belgeyê înan dayî.