Şaredarîya Amedî ya Şaristanê Girdî "Xeta Alo Şîdet" ke 2015 de seba cinîyan ke şîdet vînenê yan binê tehdîdê şîdetî de yê yan zî mişawirîye wazenê, dest pêkerdbî la demê qeyûmî de ameybî padayîş, newe ra akena.

Merkezê Çand Amedî de lansmanê ci ame kerdene. Hemşaredara Amedî ya Şarsitanê Girdî Serra Bucak, hemşaredarê qezayan, endamê meclîsî, temsîlkarê sazgehanê cinîyan û gelek cinîyî beşdar bîyî.

Bucak va xete tena Amed ney, heme herême rê xizmet kena: "17 qezayan de na xebate hîna zaf do bêro aver berenê."

24 saetê xizmetêko zafziwanî

Xeta şîdetî ke numreyê xo 444 36 21 o. ekîbê şaredarî ke karê xo de pispor ê, do 24 saetî bêmabên bi zafziwanî xizmet bidê..