Hemşaredarê ma Serra Bucak û Dogan Hatun beşdarê Kombîyayîşê Meclîsê Yewîya Şaredarîyan a Herêma Anatolîya Başûr-Rojhelatî (GABB)yê Asayî yê Dewreyê 2. yê 2025î bîyî.

Kombîyayîşo ke Merkezê Kulturî û Kongreyî yê Çand Amedî de ameye viraştene, tede hemkarîya herêmkî û xebatê pîyayî ameyî qiseykerdene.

Hemsereka GABB'î Neslîhan Şedal qedîyayîşê kombîyayîşî de qisey kerd, bal ante ser o ke ganî şaredarîyê ke qeyûmî îdare kenê, bêrê îadekerdene.

Şedal, heme hemşaredarê şaredarîyan dawet kerd ke bi hişmendîyêka pîyaye hereket bikerê û xebatanê konkretan bikerê.

Kombîyayîşî de pêro pîya 14 madeyê rojeve ameyî reydayene û qerar girewtene.