Şaredarîya Amedî ya Şaristanê Girdî, seba ke cinî derheqê weşî, beden û heqanê xo de agahdar bibê û xobawer bibê, Perwerdeyê ‘Perwerdekarîya Weşîya Cinîyan’ da destpêkerdene.

Perwerdeyo ke do 7 rojan dewam biko, mudîrîyetanê cinîyan ê şaredarîyanê merkez û qezayan ra 22 kesî beşdar benê.

Beşdarê ke perwerdeyî qedênenê, do herême de grûbanê cinîyan rê Programê Perwerdeyê Weşîya Cinîyan ê 10 modûlan bidê.

Programî de; babetî sey ciwanbîyayîş, balixîye, dicanîye, badê zayîşî, menopoz û têkilî do bêrê qiseykerdene.