Şaredarîya Amedî ya Şaristanê Girdî, çarçewaya "Projeyê Xurtkerdişê Kapasîteya Herêmkî ya Îdareyê Rîskê Afatan" de, tesîranê psikolojîkan ê afetanê xozayî û komelkîyan ser o ferdan û komele ser o semînerek viraşt.

Semînerî de ke bi hemkarîya Serekîya Daîreya Karanê Afatan û Komela Verê Domanî ame viraştene,; trawmaya komelkî, destekê psikolojîkî yê ke badê afatan vejîyayî, nêweşîyê psîkîyatrîkî sey babetî ameyî qiseykerdene.

Sewbîna, seba grûbanê hesasan sey doman, kal û astengdaran tetbîqatê destekê psîkososyalî ameyî qiseykerdene û hişyarîya afatan zêde bîye.